PANTUN Daerah Rantau Panjang Tabir, Merangin Jambi

PANTUN Daerah Rantau Panjang Tabir, Merangin Jambi

pandai lah nian adik memutong
takayu idak takulit manih
pandai nian adik manyumbong
abong tatipu cakap samanih

ambik lah papan buik parahu
untuk melayang ketebing tinggi
sedang lah makan teringat kau
piring ku tolak makan tak jadi

sebahau lah bupaga bilah
palembang lah bupaga besi
sebahau ku tinggal sudah
palembang tempat ku jadi

ambik lah aka nan panjang2
aka lah bulu kutarik dulu
bia tebaka rantau panjang
suranglah kau ku tarik dulu

rimbun lah rimbun kayu di tungkal
idak serimbun kayu di jambi
rindu lah rindu kami nan tinggal
idak serindu kami nan pegi

Agi lah dulu berambut panjang
Kini berambut nan jejak bahu
Agi lah dulu bukasih sayang
Kini sarupo lah ngidak tau

kayek mandi ke tepian umo
Jangan lah lupo maon kain selai duo
Kami burami dirumah tuo
Menghidup budayo di kampung lamo

baderai hujan di rimbo
Padi-padi baderai jangan
Bacerai kito dimato
Dihati bacerai jangan

Apo di harap ilia ku Jambi
Harap di biduk di ayik dereh
Apo di harap kupado kami
Harap buteduh di kayu anggeh

Apo di harap ilia ku Jambi
Harap di biduk bulantai idak
Apo di harap kepado kami
Harap di tau ku pandai idak

Baumo dalam beluka
Anak siamang dikejar rusa
 Kalau biko lah dikota
Jangan lupo kami yang di desa.

Babiduk dalam payo
Singgah manahik aka jihang
Awak buhuk tidak na ado
Macam puman di katon uhang.

Pandai nian buselup jepang
Tali ijau telapak putih
Pandai nian biko bakundang
Ibarat pulau munyisi buih

Itu ku segan baumo di mampun
 Padi ku abih di linden batang
 Itu ku segan balik ka dusun
 Upat puji fitnah datang

Burung ndu inggap di batang
Inggap nyo didahan kawo
Rindu kau dapek ditahan
Rindu aku saparo gilo

Mudik dusun padang duku
 Di mudiknyo padang pisang
 Bukan ku ndak dengan kau
 Hidupku miskin diriku malang

 Kalun adik mumancing umbai
Tulung jugo mumancing atap
Kalun adik idak sasuai
Tulung jugo baon bacakap


 itu lah nan aku ntu pantun nah,,heheeeeeeeeeeeeeeee fb:rhido lapender twt:ncu@ridho